da ser Jan-Andrea Bernhard
Mes cars!
Tschella dumengia vaiel jeu, sco puccont uffon, constatau che la cardientscha ei significativa per las experientschas dil sogn apiestel Paulus sur dalla levada (1 Cor 15).
La damonda centrala da Paulus va denton aunc «vinavon»: Pertucca Christus mo questa veta?
Cun quella damonda ei oz la baselgia pli che mai confruntada. Ei la baselgia ina instituziun profana cun engaschaments socials e ideas multifaras che pertuccan tut «quest mund», ni ei la baselgia ina instituziun da salvament, in liug nua ch’ins sa retscheiver era in maletg da quei ch’ei dat aunc sper «quest mund»…
Paulus gi cun raschun che quels che speran en Cristus mo partenent questa veta, seigien bein ils pli deplorabels carstgauns ch'ei dat.
En mia lavur sco spiritual e predicant vaiel adina astgau constatar ch’ei dat caussas che survargan tut nies entelletg, denton saiel che la pasch da Deus vegn a consalvar nos cors e nos senns en Cristus Jesus (Fil 4,7).
1 Cor 15,12.16–20
Sch’ei vegn perdegau che Cristus seigi levaus da mort en veta, co san lu entgins da vus pretender, ch’ei detti buc ina levada dils morts?
Pertgei sch’ei dat buc ina levada dils morts, lu ei era Cristus buca vegnius leventaus.
E sche Cristus ei buca vegnius leventaus, lu ei vossa cardientscha vana, e vus essas aunc adina en vos puccaus. Consequentamein ein piars era quels ch’ein morts en Cristus.
Sche nus sperein en Cristus mo partenent questa veta, lu essan nus bein ils pli deplorabels carstgauns ch’ei dat.
Mo en verdad ei Cristus levaus dils morts sco emprem da quels che ruaussan.
☛ 1. lecziun dalla dumengia: Jer 17,5–8
☛ evangeli dalla dumengia: Lc 6,17.20–26
