da ser Jan-Andrea Bernhard
…e cheu essan nus senza plaids!
Cun nossa raschun humana, cun nies patertgar logic, cun nossa tenuta raschuneivla… Nus essan senza plaids che Jesus ei leventaus da mort en veta, per nossa giustificaziun.
Jeu pondereschel: Sch’ins sa buca capir enzatgei, munta quei buca mo ina sfida dad acceptar ei, mobein era ina schanza, la schanza da ver visiuns per la cristianadad, gie per la carstgaunadad. Mia visiun ei che Jesus ei nies spindrader, nossa spronza, nossa nova veta!
Paulus scriva che Jesus seigi cumparius a pli che tschuntschien persunas enina! La cefra fa denton plitost buca ora ei – ei savessen esser 5000 persunas, aber a quels che creian buca emporta la cefra pauc. La cardientscha ei significativa, e buca la cefra! Vul gir: Tgi che crei vid la «miracla», per quel ha era la miracla ina muntada, tgi che che crei buca, per lez eis ei senza muntada. Seigien ei 5, 50, 500 ni 5000 persunas enina. Jeu denton, jeu creigel che Deus ha aviert il tschiel entras quest eveniment per mei, per mia giustificaziun. Tgi che ha ureglias duei tedlar!
1 Cor 15,3–8.11
Mes frarsIns sa leger «Frars e soras».! En emprema lingia hai jeu confidau a vus quei ch’ei vegniu relatau a mi, numnadamein il
suandont:
Cristus ei morts per nos puccaus tenor las scartiras.
El ei vegnius satraus
ed il tierz di leventaus da mort en veta,
sco las scartiras dian;
ed el ei cumparius a Chefas, lu als dudisch.
Silsuenter eis el cumparius a pli che tschuntschien frars enina, dils quals ils biars vivan aunc oz, ferton ch’enzacons ein gia morts.
Suenter eis el cumparius a Giachen e lu a tut ils apostels.
Il pli davos da tut eis el era cumparius a mi, sco ad in affon abortiv.
Basta, ch’ei setracti da mei ni dad els:
Aschia vein nus perdegau, ed aschia veis vus cartiu.
☛ 1. lecziun dalla dumengia: Jes 6,1–2a.3–8
☛ evangeli dalla dumengia: Lc 5,1–11
