da sur Marcus Flury
Plaids da carstgauns san tuccar e muentar. Plaids humans ei dapli che mo in tun. Els san far mal, gie schizun vulnerar. Els san era instradar en nus ina midada, ina conversiun. Con dapli sa il plaid da Diu tuccar nus carstgauns en nies pli intern. El ei, sco la lecziun di, plein veta e vigur. El ei sco ina spada beingizzada. Als cristians vegn ei mess a pèz da prender serius il plaid da Diu. Dieus sez ei quei plaid che scaffescha e revela, che empermetta e giudichescha.
Heb 4,12–13
Il plaid da Diu ei plein veta e vigur e gizzaus meglier ch’ina spada cun dus taglioms. El penetrescha tochen sil punct da separaziun denter olma e spért, denter giugadira e maguol. Ed el sa
giudicar ils patratgs e las intenziuns dil cor.
Ei dat buc ina creatira che fuss zuppada avon el, mobein tut ei niu e scuvretg avon ils egls da quel, al qual nus vein da dar plaid e fatg.
