da sur Marcus Flury
La brev als Hebrès ei scretta per ina cuminonza cristiana ch’ei en prighel da daventar stauncla, forsa pervia da persecuziuns. Perquei eis ei impurtont da far attents els che la cardientscha cristiana ha essenzialmein da far cun la speronza. Quella sebasa sil fatg che Cristus ei daventaus nies frar entras quei ch’el ha priu sin el nossa sort humana. Entras passiun e mort eis el arrivaus alla perfecziun. El che numna nus frars e soras, meina era nus tras tribulaziuns alla gloria.
Heb 2,9–11
Mes frars! Quel ch’ei vegnius sbassaus per in cuort mument sut ils aunghels, vesein nus encorunaus cun gloria ed honur muort sia passiun e mort; aschia ha ei plaschiu alla voluntad da Diu, ch’el
schagi la mort per tuts.
Ei ha daveras duiu esser che Dieus, pil qual e tras il qual tut exista e che vul menar biars alla gloria, meini igl autur da lur spindrament tras passiun alla perfecziun.
Pertgei quel che sanctifichescha e quels che vegnan sanctificai derivan tuts dad in. Perquei seturpegia el buca da numnar els frarsIns sa leger
«frars e soras»..
