dad Andri Casanova
Paulus descriva als Romans, tgei ch’ei munta dad esser battegiaus, numnadamein dad esser affons da Diu. Affons ein buca sclavs, els astgan sesentir protegi. Affons han ina stretga relaziun tier il bab e la mumma, els astgan vegnir cun lur quitaus e plaschers.
Senza ch’ei vess dau da gliez temps ina teologia elavurada dalla Trinitad, presenta Paulus las perunas trinitaras en ina stretga relaziun culs battegiai. Dieus ei buc lotans e jasters, el ei maneivels e sustegn nus era dad endadens anora.
Ro 8,14–17
Tut quels che selain reger dil Spert da Diu ein affons da Diu. Vus veis gie buca retschiert in spért da sclav per curdar puspei ella tema, mobein il spért d’affons adoptivs che fa clamar nus: Abba, Bab!
Il Spert sez s’unescha cun nies spért per dar perdetga che nus essan affons da Diu. E sche nus essan affons, essan nus era artavels, vul dir, artavels da Diu e cunartavels da Cristus, damai che nus endirein cun el per era vegnir glorificai ensemen cun el.
☛ 1. lecziun dalla dumengia: Dt 4,32–34.39–40
☛ evangeli dalla dumengia: Mt 28,16–20
