dad Andri Casanova
Sche nus vein en ina cuminonza ni en in vitg differents meinis e differents duns, sche ei quei bien e normal. Sch’ils singuls lavuran denton in encunter l’auter ni mo per sesez, lu maunca quei spért da cuminonza ch’ei daus a nus.
Per la cuminonza da Corint dad Paulus in cussegl, pertgei els ein malperina e singuls soglorieschan da lur agens duns. El accentuescha che tuts han survegniu duns dil Spert divin. Quels duns han pia la medema derivonza divina. Perquei han els era la medema intenziun, numnadamein da survir alla cuminonza entira, semegliont alla membra che survescha al tgierp entir.
Ei vala pia la peina dad adina puspei sedumandar, co ins po impunder ils agens duns divins e co ins sa stimar ils duns divins dils auters.
1 Cor 12,3b–7.12–13
Negin sa dir: Jesus ei il Segner! auter che enten il Spert sogn.
Ei dat differents duns spirituals, il Spert ei denton il medem. Ei dat differents survetschs, denton mo in sulet Signur. Ei dat differentas forzas, Dieus ei denton il medem che operescha tut en tuts. A scadin vegn la revelaziun dil Spert dada pil beinstar general.
Pertgei sco il tgierp ei mo in ed ha tonaton biara membra, e sco tut la membra dil tgierp fuorma, malgrad sia pluralitad, mo in tgierp, aschia era Cristus.
Pilver, nus tuts essan vegni battegiai en in Spert per daventar in sulet tgierp, ton Gedius sco Grecstier ils battegiai dat ei tals da provegnientscha giudaica (Gedius) ed auters (Grecs), ton sclavs sco libers. E nus tuts essan vegni bubrentai cul medem Spert.
