1 Gn 4,11–16
Mes cars, sche Dieus ha carezau nus aschizun,
lu stuein era nus carezar in l’auter.
Aunc mai ha in carstgaun viu Diu.
Mo sche nus carezein in l’auter,
lu resta Dieus en nus,
e sia carezia en nus ei perfetga.
Tras quei che nus restein en el,
ed el en nus, enconuschein nus
ch’el ha dau a nus da siu Spert.
E nus vein viu e dein perdetga
ch’il Bab ha tarmess siu fegl
sco Spindrader dil mund.
Scadin che confessa che Jesus ei il Fegl da Diu,
en quel avda Dieus, ed el resta en Diu.
E nus vein enconuschiu e teniu per ver
la carezia che Dieus ha per nus.
Dieus ei la carezia sezza,
e tgi che viva ella carezia,
viva en Diu, e Dieus viva en el.
