Jes 40,1–5.9–11
Consolei, consolei miu pievel! Di nies Diu.
Plidei a cor a Jerusalem,
annunziei ad el che sia sclaveria seigi finida,
sia cuolpa pagada,
ch’el hagi retschiert dil maun dil Segner
dubel castitg per tut ses puccaus.
Ina vusch che cloma:
Preparei el desiert ina via pil Segner!
Ulivei ella tiara senz’aua
ina via sulada per nies Diu!
Mintga vallà vegni alzaus,
mintga tgiembel sbassaus.
Il crest daventi in plaun,
las muotas daventien vals.
La gloria dil Segner semuossa,
e tutta carn po veser,
pertgei la bucca dil Segner ha plidau.
Ascenda in’aulta muntogna,
ti annunziadra per Sion!
Aulza da forza la vusch,
ti annunziadra per Jerusalem!
Aulza la vusch senza tema.
Di als marcaus da Juda:
Uarda, vies Diu!
Uarda, Dieus il Segner vegn cun pussonza,
siu bratsch suttametta ad el.
Uarda, el ha la pagaglia cun el,
ad el ordavon va sia vendetga.
El vegn a pascular sia muntanera sco in pastur,
cun siu bratsch vegn el a rimnar ils tschuts,
el vegn a tener els sin bratsch
e pertgirar las nuorsas cun tschut.
