Mal 1,14b; 2,2b.8–10
Jeu sun il retg pussent, di il Segner dallas armadas, ed ils pievels teman miu num. Vus leis buca tedlar e prendeis buc a cor da dar l’honur a miu num.
Vus essas untgi dalla via, veis fatg scarpitschar beinbiars tras vossa ductrina, veis rut la ligia da Levi. Aschia plaida il Segner dallas armadas. Perquei hai jeu fatg che vus essas malvesi e sprezzai tier il pievel, sco era vus ditgeis gie nuot mias vias, mo risguardeis la persuna, cu vus applicheis la lescha.
Havein nus buca tuts mo in bab, ei buca in sulet Diu nies scaffider? Sche co fagein nus pia ils fauls in enviers l’auter e profanein aschia la ligia da nos perdavons?
☛ evangeli dalla dumengia: Mt 23,1–12
