da Flurina Cavegn-Tomaschett
La lecziun lai vegnir nus pertscharts che Dieus ei aunc auters che nossas imaginaziuns. Dad ina vart sa el esser ferms e pussents, denton era bufatgs e maneivels. Quella experientscha fa era Elia. El entaupa Dieus buc el ferm stemprau, el tiara-triembel ni el fiug, mobein en ina fladada migeivla. Quei sa era esser per nus in muossavia dad esser attents e sensibels per che nus fageien stem da Diu che semuossa el pign, fleivel e fin.
1 Re 19,9a.11–13a
Lezs dis, cura ch’Elia ei vegnius tier il cuolm da Diu Horeb eis el entraus en in cuvel e staus leu sur notg. Ed uarda, il plaid dil Segner ei vegnius sur dad el. E Dieus ha detg ad el: Va ora
sil cuolm e stai avon il Segner!
Ed uarda, cheu ei il Segner passaus sperasvi: In ferm e pussent stemprau che sfraccava cuolms e fendeva greppa mava ordavon al Segner; mo il Segner era buc el stemprau. Suenter il stemprau in
tiara-triembel; mo il Segner era buc el tiara-triembel. Suenter il tiara-triembel in fiug; mo il Segner era buc el fiug. Suenter il fiug il scutinar d’ina fladada migeivla. Udend quel, cuviera
Elia sia fatscha cul manti, va giuadora e passa all’entrada dil cuvel.
