dad Andri Casanova
Jesaja metta dus eveniments in sper l’auter. Dad ina vart il raquent dall’emigraziun dil pievel d’Israel siado dall’Egipta e da l’autra vart il maneivel retuorn dils Israelits ord igl exil da Babel. Jesaja dat curascha ch’il temps dalla sclavaria ei vargaus e ch’enzatgei niev ha entschiet. Il desiert ei buc pli desiert. L’aua che munta veta surpen il domini.
Ils plaids dalla liberaziun ord l’Egipta e dalla liberaziun ord igl exil da Babel dattan era cuntegn e muntada alla liberaziun che Jesus Cristus ha dau ha nus entras la crusch.
Jes 43,16–21
Aschia plaida il Segner che ha fulau via atras la mar
e fatg ina senda atras las auas pussentas,
che ha menau viado carr e cavagl
ensemen cun in’armada pussenta.
Quels schain uss per tiara, sesaulzan buca pli,
els ein stezs, sco quei che stezza in lamegl.
Buca patertgei vida quei da pli baul,
fagei buca stem da quei ch’ei vargau!
Uarda, jeu fetsch zatgei niev;
ei pruescha gia, s’encurscheis vus aunc buc?
Gie, jeu vi far ina via atras il desiert
e sendas atras la val solitaria.
Mei laudan ils animals silla campagna,
ils schacals ed ils struts,
pertgei jeu procurel per aua el desiert,
per dutgs ella val solitaria,
e dostel la seit a miu pievel eligiu.
Il pievel che jeu hai formau
vegn ad annunziar miu renum.
