da sora Armina Maissen
«Sogns, sogns, sogns ei il Segner dallas armadas! L’entira tiara ei pleina da sia maiestad!» Cun quei clom da laud venerein nus il Segner en mintga s. messa. Il tron dil Segner ei buca da paregliar cun il tron dils retgs e reginas da quest mund. Per mei ei il tron da Diu la sedia da grazia cumpleina. A paucs da nus carstgauns eis ei dau da veser la maiestad divina aschi datier e fervent sco il profet Jesaja descriva en la lecziun. Denton, ei quei aschi impurtont? Plitost ei ussa nossa cardientscha dumandada. «Beai ein quels che vesan buc e creian tonaton!» (Gn 20,29)
La cardientscha sa dar a nus tonta enconuschientscha e perschuasiun sco al profet. Ella sclarescha nies intern e fa nus humiliteivels avon Diu. Ella lai enconuscher nossas fleivlezias e nos falliments. La vera humilitonza purifichescha e fa era nus vengonz(a)s da dir a Niessegner: Tarmetta mei adina puspei danovamein. Lai dar perdetga da tia buontad. Tia buontad ei grazia cumpleina.
Jes 6,1–2a.3–8
Igl onn ch’il retg Uzzia ei morts, hai jeu viu il Segner. El seseva sin in tron ault e maiestus, ed igl ur da siu manti empleneva il tempel. Serafsina sort aunghels stevan sur el, e scadin da quels veva sis alas.
Ed els clamavan in a l’auter:
Sogns, sogns, sogns
ei il Segner dallas armadas!
L’entira tiara ei pleina da sia maiestad!
Ils postaments stremblevan en lur encalchens dil tunar da lur clom, e la casael hebraic vegn il tempel era numnaus casa s’empleneva da fimera.
Cheu hai jeu clamau: Paupra mei! Jeu sun piars, pertgei jeu sun in carstgaun cun levzas malmundas e vivel enamiez in pievel cun levzas malmundas – e mes egls han viu il retg, il Segner dallas armadas! Uss ei in dils serafs sgulaus neu tier mei, ed el veva entamaun in burniu ch’el veva priu cun ina zaunga giu digl altar. El ha tuccau mia bucca e detg:
Uarda! Quei burniu ha tuccau tias levzas,
tia cuolpa ei naven,
tiu malfatg perdunaus.
Lu hai jeu udiu la vusch dil Segner a schend: Tgi duei jeu tarmetter? Tgi va per nus? E jeu hai detg: Mira cheu mei! Tarmetta mei!
