dad Andri Casanova
Il profet Jesaja cuntegn quater schinumnadas canzuns dil survient da Diu. Ei vegn buc numnau, tgi che quei survient seigi. Aschia ei l’identificaziun aviarta. Oriundamein han quels texts plidau el temps digl exil babilonic. Per ils cristians ei lu semussada da vegl enneu in’identificaziun cun Jesus.
Questa tiarza canzun dil survient da Diu lai secapescha era patertgar nus vid la passiun da Jesus. Mo l’aviartadad els texts dil profet Jesaja lubescha era in’identificaziun cun noss’atgna veta. Sco cristians havein nus damaun per damaun in’ureglia aviarta per il plaid da Diu. Mo nus vegnin era «bastunai» en nossa cardientscha, secapescha sin tut autra moda: entras indifferenza, ignoranza, stinadadad…
Jes 50,4–9a
Dieus il Segner ha dau a mi in lungatg da giuvnaligl esser giuvnal munta d’em-prender dil Se-gner sco in scolar ni ina scolara e da dar vinavon l’enconuschien-tscha,
per che jeu sappi rispunder in plaid al staunchel.
Damaun per damaun sveglia el mi’ureglia,
che jeu fetschi adatg sco giuvnaligl esser giuvnal munta d’em-prender dil Se-gner sco in scolar ni ina scolara e da dar vinavon l’enconuschien-tscha.
Dieus il Segner ha aviert mi’ureglia,
e jeu hai buca fatg resistenza,
sun buca setratgs anavos.
Jeu hai purschiu miu dies a quels che bastunan,
e mias gaultas a quels che strain per la barba.
Mia fatscha hai jeu buca retratg da zanur e da spida.
Dieus il Segner vegn a mi en agid,
perquei stoi jeu buca seturpegiar;
perquei fetsch jeu mia fatscha dira sco crap,
e sai che jeu crodel buc en vergugna. –
Damaneivel ei quel che renda mei gests.
Tgi vul far process cun mei?
Sche bien, lein passar avon communablamein!
Tgi ei miu rival da process?
El dueigi vegnir neu tier mei!
Uarda, Dieus il Segner ei miu sustegn!
Tgi duess mei saver condemnar?
