dad Andri Casanova
«Dieus ha buca fatg la mort» (Sab 1,13), aschia ha ei num el cudisch dalla sabientscha. Gie, el vul buca che nus meien sutsu, el vul buca quei che stinschenta nus. Igl profund esser dalla scaffiziun ei numnadamein la veta. Dieus ha dau a nus la veta, ed el vul che nus vivîen la veta.
Viver la veta munta cheu d’adina encurir la sabientscha. Pertgei lezza munta veta era sur la mort ora. En ella po quei sem dil salit ch’ei mess en mintga creatira, entscheiver a catschar e purtar fretg.
Pli tard el cudisch dalla sabientscha ha ei num: L’entschatta dalla sabientscha munta formaziun, formaziun munta carezia, carezia munta da suandar ils camondaments, e gliez garantescha nunsvaneivladad, e nunsvaneivladad fa ch’ins ei damaneivel da Diu (cf. Sab 6,17–19).
Sab 1,13–15; 2,23–24
Dieus ha buca fatg la mort,
el selegra buca sch’ils vivents van sutsu.
Tut ha el creau per ch’ei possi subsister;
las creatiras da quest mund ein saluteivlas,
denter ellas dat ei buc in tissi nuscheivel,
e sin tiara ha il Hadesil reginavel dalla mort negina pussonza.
La giustia ei gie immortala.
Dieus ha scaffiu il carstgaun per la nuncorrumpeivladadnunsvaneivladad
e fatg ch’el ei la semeglia da siu agen esser.
Entras la scuidonza dil giaveltenor il grec «diabolos» quel che fiera tut in denter l’auter ei la mort vegnida el mund,
e quels che appartegnan a lez, ein suttaposts ad ella.
