da ser Jan-Andrea Bernhard
Sche nus uardein las miraclas dalla natira e la fortezia dalla scaffiziun constatein nus tontas caussas sil mund che nus savein buca capir… Vitier vegn aunc l’experientscha da greva sort ch’il carstgaun sto mintgaton purtar. Sco Job ch’era in um pietus. Gest el ha piars – senza atgna cuolpa – ses uffons e siu possess! El sedamonda: «Ei quei gest e fair?»
El cumbat e discuors cun Diu rispunda Deus ad el: «Nua fuvas ti, cu jeu hai tschentau ils fundaments dalla tiara? … Has Ti enzacu duront tia veta fatg cumparer l’alva dalla damaun e mussau siu plaz all’aurora?» Job stueva constatar ch’el ha buca idea dalla sabientscha, dalla providientscha e dallas pusseivladads da Diu.
Ina cuorta egliada en nossa natira ed in cuort sguard ella scaffiziun muossa beingleiti che aschi biaras experientschas quotidianas ella natira schaian buca en nos mauns, mobein muossan la grondiusadad ed era la grazia misteriusa da nies bien Diu.
Job 38,1.8–11
Il Segner ha rispundiu a Job
ord il turmeglstemprau e detg:
Tgi ha fermau la la marEn ils plaids davart la mar sezuppa il mitos dil cumbat denter il Scaffider e la mar dil caos all’entschatta dalla scaffiziun cun portals,
cu ella ei sortida sburflond neuado digl intern (dalla tiara);
cu jeu hai dau ad ella la tschaghera per vestgiu
e la nebla per fascha;
cu jeu hai fixau ad ella in cunfin
e tschentau schlegn e portals?
Jeu hai detg: Tocca cheu sas ti vegnir e buca pli lunsch!
Cheu sfracca la luschezia da tias undas.
☛ evangeli dalla dumengia: Mc 4,35–41
