da sora Armina Maissen
Moses sa, da tgei ch’el plaida. L’emigraziun cun il pievel ord l’Egipta ei stada per el tut auter che sempla. El ha adina puspei stuiu sedar giu cun persunas malcuntentas plein reproschas. En tuttas situaziuns eis el seviults tier Diu, ha rugau el per agid. El saveva ch’ei dapendi tut mo digl agid da Diu. Moses ha mai interrut la relaziun, il contact cun Diu e Diu era buca cun el, schegie che Moses ei buca adina staus siu fideivel survient.
Moses reflectescha siu messadi. El meditescha la permanenta preschientscha da Diu e dat aviarta-mein perdetga da quella. Neginas bravuras scriva el sin siu agen conto, mobein: «Nies agid ei el num dil Segner, che ha fatg tschiel e tiara.»
Dieus vul la relaziun, il contact cun il carstgaun e sia scaffiziun. Quei ch’el ha scaffiu lai el maina a bandun. Sia relaziun cun nus ei carezia. Adina stenda el ora siu maun d’agid e da spindrament. Lein en cardientscha e fidonza era stender nies maun encunter ad el. Lu po ei ir bein cun nus cheu sin tiara.
Oz festivein nus la fiasta dalla sontgissima Trinitad. Diu en treis persunas – la relaziun e carezia denter il Bab ed il Fegl ed il Spert sogn. In esser en carezia! Da quella carezia viva la scaffiziun. Da quella carezia vivin nus.
Dtn 4,32–34.39–40
Moses ha plidau cul pievel e detg:
Va suenter inaga il temps da pli baul, ils dis ch’ein stai avon che ti, naven dil di che Dieus ha creau il carstgaun sin tiara, naven d’in confin dil tschiel entochen l’auter: Ha ei dau zacu enzatgei schi grondius sco questas caussas? Ni han ins udiu zacu enzatgei semegliont? Ha in pievel udiu zacu Dieus a plidar ordamiez il fiug, sco quei che ti has udiu, ed ei restaus en veta?
Ni ha in diuscret pign per-quei ch’el serefe¬rescha buc sin JHWH empruau zacu da vegnir a prender per el in pievel ordamiez in’autra naziun cun empruaments, enzennas, miraclas e cumbats, cun maun ferm e bratsch stendiu, e cun grondas ovras da sterment, sco quei che Jahveen respect en-viers la tradiziun giudaica vegn il num dil Segner buc exprimius, ins sa leger en-stagl «il Segner», vies Diu, ha fatg cun vus en Egipta sut tes egls.
Sappies pia oz e meditescha en tiu cor: Il Segner ei Dieus en tschiel leusi e sin tiara giubass – el e negin auter. Sche observa ses camonds e sias ordinaziuns che jeu imponel oz a ti, sinaquei ch’ei mondi bein cun tei e cun tes fegls che vegnan suenter tei, e per che ti hagies liunga veta sil tschespettiara ch’il Segner tiu Diu dat a ti per adina.
