da Maria Cristina Derungs-Bartolomei
Il capetel 9 dils Fatgs cuntegn il raquent della viulta ella veta de Saulus/Paulus suenter la revelaziun silla via encunter Damascus. Lucas concluda l’episoda cun ina sintesa positiva che dat in maletg ideal della veta della Baselgia (sco el capetel 2,43–47, nua ch’el scriva ch’ei vevien tut communabel, fagevien oraziun el tempel ed ellas casas; erien beinvesi da tuts e che la cuminonza dils cartents carschevi di per di).
Mo quella «pasch» e quei success ein buca senza conflicts e tribulaziuns. Cheu vegn ei relatau de gruppas che lessen mazzar Saulus; igl emprem (v. 25) sto el fugir en in canaster e lu encurir refugi a Tarsus; sez ils giuvnals acceptavan buca el, buca avon che in stetti buns per el sco perdetga.
Cun quei vegn ei dau cunfiert era per nies temps, mussond co la Baselgia ha empriu da vegnir a frida cun las differenzas internas e da fruntar las opposiziuns externas. La Baselgia «ell’entira Giudea eav.» tuna solemn. Ella era denton buca ina instituziun pussenta e numerusa, mobein ina pintga gruppa, in garnetsch de senav, il pli pign de tut ils sems. Sia forza da crescher, sia pasch, sia fritgeivlada vegnan dal Sogn Spért e han sco condiziun ch’ella resti sco frastga ella vit ch’ei Cristus, sco igl evangelist sogn Gion proclama (capetel 15) egl evangeli dad oz.
Fatgs 9,26–31
Lez dis, cu Saulusgiudaic per Paulus ei arrivaus si Jerusalem, ha el empruau da survegnir contact culs giuvnals. Mo tuts temevanel valeva sco persequitader dils cristians el e savevan buca crer ch’el seigi in giuvnal. Barnabas denton ha priu e menau el tier ils apostels. El ha raquintau ad els che Saulus hagi viu il Segner sin siu viadi, e che quel hagi plidau cun el, e ch’el hagi lu annunziau a Damascus aviartamein il num da Jesus. Aschia ha el saviu ir en ed ora cun els a Jerusalem. El ha annunziau senza tema il num dil Segner ed era plidau e disputau culs Grecs. Mo quels tschercavan da mazzar el. Ils frars han enderschiu quei ed ein i cun el giu Cesarea ed han tarmess el da leu a Tarsus. La baselgia ell’entira Giudea, Galilea e Samaria ha ussa giu pasch. Ella sestabileva e viandava ella tema da Diustema da Diu. Ed ella s’augmentava cugl agid dil Spert sogn.
