da Flurina Cavegn-Tomaschett
Duront igl entir temps pascal ei ina part ord ils Fatgs dils apostels previda sco emprema lecziun dil survetsch divin dalla dumengia. Quei ei il sulet temps el ciclus annual, nua che texts ord il Niev Testament vegnan risguardai sco emprema lecziun. Il cudisch biblic raquenta oravontut dils fatgs dils apostels Pieder e Gion e dalla missiun da sogn Paul.
En la lecziun da questa dumengia vegn Pieder a plaid. El plidenta il pievel israelit, pia ils Gedius. Pieder vul gudignar e perschuader ses auditurs per «la caussa Jesus Cristus». El fa bein renfatschas al pievel d’Israel dad haver tradiu e snegau Jesus. Lur cuolpa vegn denton mitigada entras il fatg, ch’il plan da Diu ei serealisaus entras lur agir. Dieus veva numnadamein annunziau ch’il Messias vegni a pitir. Pieder tschenta aschia Jesus Cristus en la tradiziun dil Veder Testament, sin il fundament dils Gedius, dils babuns (Abraham, Isac e Jacob) e dils profets. El vul perschuader ils Gedius da suandar Jesus Cristus, quel che Dieus ha buca schau ella mort.
Fatgs 3,13–15.17–19
Lez dis ha Pieder detg al pievel: Il Diu d’Abraham, d’Isac e da Jacob, il Diu da nos perdavons ha glorificau siu fumegllas quater expressiuns «fumegl», «sogn», «gest» ed «autur dalla veta» ein cristian-giudaicas e serefereschan sin Jesus Jesus che vus veis tradiu e snegau avon Pilatus, cu lez era decidius da dar liber el. Vus denton veis snegau il Sognlas quater expressiuns «fumegl», «sogn», «gest» ed «autur dalla veta» ein cristian-giudaicas e serefereschan sin Jesus e Gestlas quater expressiuns «fumegl», «sogn», «gest» ed «autur dalla veta» ein cristian-giudaicas e serefereschan sin Jesus e pretendiu ch’in assassin vegni daus liber. Igl autur dalla vetalas quater expressiuns «fumegl», «sogn», «gest» ed «autur dalla veta» ein cristian-giudaicas e serefereschan sin Jesus veis vus mazzau, Dieus denton ha leventau el dils morts: Da quei essan nus perdetgas. Ed uss, mes frars, jeu sai: Vus veis fatg quei ord ignoranza, sco vos menaders. Dieus denton ha aschia schau secumplenir quei ch’el ha annunziau ordavon tras la bucca da tut ils profets: Che siu Cristus vegni a pitir. Sche seconverti e fagei penetienzia, per che vos puccaus vegnien annullai.
